कुमारीसहस्रनामस्तोत्रम् | Kumari Sahasranamastotram

श्रीकुमारीसहस्रनामस्तोत्रम् 

आनन्दभैरव उवाच
वद कान्ते सदानन्दस्वरूपानन्दवल्लभे ।
कुमार्या देवतामुख्याः परमानन्दवर्धनम् ॥ १॥

अष्टोत्तरसहस्राख्यं नाम मङ्गलमद्भुतम् ।
यदि मे वर्तते विद्ये यदि स्नेहकलामला ॥ २॥

तदा वदस्व कौमारीकृतकर्मफलप्रदम् ।
महास्तोत्रं कोटिकोटि कन्यादानफलं भवेत् ॥ ३॥

आनन्दभैरवी उवाच
महापुण्यप्रदं नाथ श‍ृणु सर्वेश्वरप्रिय ।
अष्टोत्तरसहस्राख्यं कुमार्याः परमाद्भुतम् ॥ ४॥

पठित्त्वा धारयित्त्वा वा नरो मुच्येत सङ्कटात् ।
सर्वत्र दुर्लभं धन्यं धन्यलोकनिषेवितम् ॥ ५॥

अणिमाद्यष्टसिद्ध्यङ्गं सर्वानन्दकरं परम्…