दुर्गाचरणस्मरणम् | Durga charana smaranam

दुर्गाचरणस्मरणम् 

भातु भव्या भवानीयं भावनाभाविता शुभा ।
भवाङ्गसङ्गतो यस्या भूतयो भान्ति भूतले ॥ १॥

भास्वन्ती भुवनाभिरामभरिताभोगप्रभाभासुरा
भूत्येकप्रभुतामुपेत्य भुवने या भासते भर्गगा ।
भूयोऽमी भुवनेश्वराः सुरगणा यत्पादपाथोद्भवैः
पूर्णैः पूतपरा भवन्ति गलिताऽज्ञानान्धकारैर्बुधाः ॥ २॥

वीणावादनतत्पराऽर्थलहरीमुद्वेल्लयन्ती सती
सा माता जगतां जयत्यतिशयज्ञानप्रदा भारती ।
यस्याः--पादनखप्रभामनुसरँश्चन्द्रोऽम्बरे चञ्चते
रागेणापगतादरो जलजनिः पुष्पाञ्जलिर्याचते ॥ ३॥

आस्तां समस्तवरवस्तुवितानवृन्दे
मातुश्चराचरनमस्कृतपादरेणुः ।
सैका सुरासुरविवन्दिशिरोऽर्चिता स्याद्
भर्गोत्तमाङ्गमिलिता भजतां विभूत्यै ॥ ४॥

भास्वत्करैः समुचितं विकचं करोति
शम्भोर्विलोचनगतेन च…