दुर्गासहस्रनामस्तोत्रम् १ पार्वतीसहस्रनामस्तोत्रम् (स्कन्दपुराणान्तर्गतम् शिवाऽथोमा रमा) | Durgasahasranamastotram 1

दुर्गासहस्रनामस्तोत्रम् 
                  ॥ श्रीः ॥

           ॥ श्री दुर्गायै नमः ॥

     ॥ अथ श्री दुर्गासहस्रनामस्तोत्रम् ॥

     नारद उवाच -
कुमार गुणगम्भीर देवसेनापते प्रभो ।
सर्वाभीष्टप्रदं पुंसां सर्वपापप्रणाशनम् ॥ १॥

गुह्याद्गुह्यतरं स्तोत्रं भक्तिवर्धकमञ्जसा ।
मङ्गलं ग्रहपीडादिशान्तिदं वक्तुमर्हसि ॥ २॥

     स्कन्द उवाच -
श‍ृणु नारद देवर्षे लोकानुग्रहकाम्यया ।
यत्पृच्छसि परं पुण्यं तत्ते वक्ष्यामि कौतुकात्…