दुर्गास्तोत्रम् १० (देवैः कृतं ०१ भविष्यपुराणान्तर्गतम् अमरपतिमुकुटचुम्बितचरणाम्बुजसकलभुवनसुखजननी) | devaih kritam 01 Durga stotram 10

देवैः कृतं १ दुर्गास्तोत्रम् १० 

अमरपतिमुकुटचुम्बितचरणाम्बुजसकलभुवनसुखजननी ।
जयति जगदीशवन्दिता सकलामलनिष्कला दुर्गा ॥ ११॥

विकृतनखदशनभूषणरुधिरवशाच्छुरितक्षतखड्गहस्ता ।
जयति नरमुण्डमुडितपिशितसुराहारकृच्चण्डी ॥ १२॥

प्रच्छादितशिखिगणोद्बलविकटजटाबद्धचन्द्रमणिशोभा ।
जयति दिगम्बरभूषा सिद्धवटेशा महालक्ष्मीः ॥ १३॥

करकमलजनितशोभा पद्मासनबद्धपद्मवदना च ।
जयति कमण्डलुहस्ता नन्दादेवी नतार्तिहरा ॥ १४॥

दिग्वसना विकृतमुखा फेत्कारोद्दामपूरितदिशौघा ।
जयति विकरालदेहा क्षेमङ्करी रौद्रभावस्था ॥ १५॥

क्रोशितब्रह्माण्डोदरसुरवरमुखरहुङ्कृतनिनादा ।
जयति मदातिमिहस्ता शिवदूती प्रथमशिवशक्तिः ॥ १६॥

मुक्ताट्टहासभैरवदुःसहतरचकितसकलदिक्चक्रा ।
जयति भुजगेन्द्रमणिशोभितकर्णा महातुण्डा ॥ १७॥

पटुपटहमुरजमर्दलझल्लरिझङ्कारनर्तितावयवा ।
जयति…