शिवस्तोत्रम् (गायत्रीसरस्वतीकृतं स्कन्दपुराणान्तर्गतम् गायत्रीसरस्वत्यावूचतुः) | Gayatri sarasvati kritam Shiv stotram

गायत्रीसरस्वतीकृतं शिवस्तोत्रम् 

गायत्रीसरस्वत्यावूचतुः ।
नमो दुर्वारसंसारध्वान्तध्वंसैकहेतवे ।
ज्वलज्ज्वालावलीभीमकालकूटविषादिने ॥ २७॥

जगन्मोहन पञ्चास्त्रदेहनाथैकहेतवे ।
जगदन्तकरक्रूर यमान्तक नमोऽस्तु ते ॥ २८॥

गङ्गातरङ्गसम्पृक्तजटामण्डलधारिणे ।
नमस्तेऽस्तु विरूपाक्ष बालशीतांशुधारिणे ॥ २९॥

पिनाकभीमटङ्कारत्रासितत्रिपुरौकसे ।
नमस्ते विविधाकारजगत्स्रष्टृशिरश्छिदे ॥ १.४०.३०॥

शान्तामलकृपादृष्टिसंरक्षितमृकण्डुज ।
नमस्ते गिरिजानाथ रक्षावां शरणागते ॥ ३१॥

महादेव जगन्नाथ त्रिपुरान्तक शङ्कर ।
वामदेव महादेव रक्षावां शरणागते ॥ ३२॥

इति श्रीस्कन्दपुराणे ब्रह्मखण्डे सेतुखण्डे चत्वारिंशा- ध्यायान्तर्गतं
         गायत्री-सरस्वतिकृतं शिवस्तोत्रं समाप्तम् ।

स्कन्दपुराण । ब्र…