भगवतीलक्ष्मीः | Bhagavati Lakshmih

भगवती लक्ष्मीः
भगवत्या लक्ष्म्याः प्रसिद्धिरस्मिन् भारते वर्षे सुतरां सर्वत्रैव
वर्तते । ऋग्वेदस्य खिले श्रीसूक्ते, सौभाग्यलक्ष्म्युपनिषदादिषु
च देवीयं सम्यक् समाम्नायते । अस्याः पूजनं माहात्म्यं च पुराणे
तन्त्रेऽपि विशेषेण वर्णितमस्ति । ``लक्ष्मीः पद्मालया पद्मा कमला
श्रीर्हरिप्रिया'' (१-४-५४) इत्यादयोऽस्या अमरकोषधृता वाचकाः
शब्दाः । तेषु च श्रीरिति नाम नितरां प्रसिद्ध्यति ।

अथास्याः पुराणे तन्त्रे च वर्णनं कीदृशम् ? किं वा तस्य
तात्पर्यम्…