लक्ष्मीस्तोत्रम् २ ((वाधूल) राघवकविकृतं श्रिया युक्तः श्रीमान् स्थितिजनिलयादीन् कलयते) | Lakshmi stotram 2

लक्ष्मीस्तोत्रम् 
श्रिया युक्तः श्रीमान् स्थितिजनिलयादीन् कलयते
      जगत्या नैवं चेत् स्वमपि न च पुष्णात्यशरणः ।
अतस्त्वां तत्तादृग्दुरधिगमनिःसीमविभवां
      भजामो रुद्राणीपरिचितपदाम्भोजयुगलीम् ॥ १॥

अयि श्रीस्त्वं पूर्वं जनकतनयीभूय जगतां
      प्रभो रामस्याभूः प्रियसहचरी कोसलपतेः ।
तथापुष्यः कृष्णं नतजननि रुक्मीन्द्रतनया
      विना त्वां गोविन्दः प्रभवति जगत्यां क्व च न वा ॥ २॥

त्वया दृष्टः शम्भुस्त्रिपुरमथनायालमरुण-
      क्षपानाथावाज्ञां शिरसि निदधानावुद…