गोदास्तुतिः (वेदान्तदेशिकविरचिता) | godastuti

गोदास्तुतिः 

(श्रीवेदान्तदेशिकविरचिता)
श्रीविष्णुचित्तकुलनन्दनकल्पवल्लीं
     श्रीरङ्गराजहरिचन्दनयोगदृश्याम् ।
साक्षात्क्षमां करुणया कमलामिवान्यां
     गोदामनन्यशरणः शरणं प्रपद्ये ॥ १॥

वैदेशिकः श्रुतिगिरामपि भूयसीनां
     वर्णेषु माति महिमा न हि मादृशां ते ।
इत्थं विदन्तमपि मां सहसैव गोदे
     मौनद्रुहो मुखरयन्ति गुणास्त्वदीयाः ॥ २॥

त्वत्प्रेयसः श्रवणयोरमृतायमानां
     तुल्यां त्वदीयमणिनूपुरशिञ्जितानाम् ।
गोदे त्वमेव जननि त्वदभिष्टवार्हां
     वाचं प्रसन्नमधुरां मम संविधेहि ॥ ३॥

कृष्णान्वयेन दधतीं यमुनानुभावं
     तीर्थैर्यथावदवगाह्…