अपीतकुचाम्बास्तवः (अप्पय्यदीक्षितेन्द्रैः कृतः) | ApItakuchanbastavah

        अपीतकुचाम्बास्तवः 
        आनन्दसिन्धुलहरीममृतांशुमौले-
        रासेविनाममृत-निर्मित-वर्तिमक्ष्णोः ।
        आनन्दवल्लिविततेरमृतार्द्रगुच्छं
        अम्ब स्मराम्यहमपीतकुचे वपुस्ते ॥ १॥

        निर्निद्र-कोकनद-कोमलकान्तमम्ब-
        नित्यं सुधानिकरवर्षि पदं त्वदीयम् ।
        मूर्छाकरज्वररुजा मम तापितस्य
        मूर्ध्नि क्षणं सकृदपीतकुचे निधेहि ॥ २॥

        शीतांशुकोटि सुषमाशिशिरैः कटाक्षैः
        अव्याजभूतकरुणारसपूरपूर्णैः ।
        कर्पूरधूलिमिव दिक्षु समाकिरद्भिः
        अम्ब क्षणं स्नपय …