आनन्दसागरस्तवः (नीलकण्ठदीक्षितविरचितः) | Ananda sagara stava

आनन्दसागरस्तवः 
विज्ञापनार्ह-विरलावसरानवाप्त्या
       मन्दोद्यमे मयि दवीयसि विश्वमातुः ।
अव्याजभूत-करुणा-पवनापविद्धा-
       न्यन्तः स्मराम्यहमपाङ्ग-तरङ्गितानि ॥ १॥

आवेद्यतामविदितं किमथाप्यनुक्तं
       वक्तव्यमान्तर-रुजोपशमाय नालम् ।
इत्यर्थ्यसे किमपि तच्छ्रवणे निधातुं
       मातः प्रसीद मलयध्वज-पाण्ड्यकन्ये ॥ २॥

आक्रन्दितं रुदितमाहतमानने वा
       कस्यार्द्रमस्तु हृदयं किमतः फलं वा ।
यस्या मनो द्रवति या जगतां स्वतन्त्रा
       तस्यास्तवाम्ब पुरतः कथयामि खेदम् ॥ ३॥

पर्याकुले मनसि वाचि परिस्खलन्त्या-
       मावर्तग…