तुरजाष्टकम् २ अथवा तुलजाष्टकम् तुळजाष्टकम् (अनुभूतीकृतम्) | Tulaja ashtakam 2

तुरजाष्टकम् २ 

शङ्करउवाच -
उन्मील्ये नेत्रसहस्रां ददर्शाग्रे स्थितां शिवाम् ।
अनुभूतिर्महतेजा पतिभक्तिपरायणा ॥ १॥

प्रणम्यदण्डवद्भूमौ कृताञ्जलिरभाषत ।
श्रीअनुभूतिरुवाच -
नमस्तुभ्यं जगद्धात्र्यै शिवायै सततं नमः ।
त्वरितायै महोग्रायै तुरजायै नमोऽस्तुते ॥ २॥

सत्त्वायै सत्त्वरूपायै मोहिन्यै ते नमो नमः ।
नमो जगत्प्रतिष्ठायै जगत्प्राणभ्रते नमः ॥ ३॥

षट्चक्रभेदकायै ते षट्चक्रायै नमो नमः ।
मन्त्रमार्गप्रवर्तिन्यै घटस्थायै नमो नमः ॥ ४॥

कुण्डलिन्यै नमोऽस्तुभ्यं बीजायै ते नमो…