महाराज्ञीसहस्रनामस्तोत्रम् अथवा राजराजेश्वरीसहस्रनामस्तोत्रम् (रुद्रयामलान्तर्गतम्) | Maharagyi sahasra nama stotram

श्रीमहाराज्ञीसहस्रनामस्तोत्रम् 

अथवा श्रीमहाराज्ञी राजराजेश्वरीसहस्रनामस्तोत्रम्

पार्वत्युवाच -
भगवन् वेदतत्त्वज्ञ मन्त्रतन्त्रविचक्षण ।
शरण्य सर्वलोकेश शरणागतवत्सल ॥ १॥

कथं श्रियमवाप्नोति लोके दारिद्र्यदुःखभाक् ।
मान्त्रिको भैरवेशान तन्मे गदितुमर्हसि ॥ २॥

श्रीशिव उवाच - 
या देवी निष्कला राज्ञी भगवत्यमलेश्वरी ।
सा सृजत्यवति व्यक्तं संहरिष्यति तामसी ॥ ३॥

तस्या नामसहस्रं ते वक्ष्ये स्नेहेन पार्वति ।
अवाच्यं दुर्लभं लोके दुःखदारिद्र्यनाशनम् ॥ ४॥

परमार्थप्रदं नित्यं परमैश्वर्यकारणम् ।
सर्वागमरहस्याढ्यं सकलार्थप्रदीपकम्…