मूकाम्बिकासुप्रभातम् | Mukambika suprabhatam

श्रीमूकाम्बिका सुप्रभातम् 
उत्तिष्ठोत्तिष्ठ मूकाम्बा उत्तिष्ठ जगदीश्वरि ।
निद्रां मुञ्च महामाये त्रिलोकीं परिपालय ॥ १॥

ब्रह्मर्षिसिद्धमुनिसङ्घमुपेत्य देवि
     त्वद्द्वारदेशमधितिष्ठति दर्शनार्थम् ।
निद्रां जहि ह्यमलभक्तजनानुकम्पे
     मूकाम्बिके परशिवे तव सुप्रभातम् ॥ २॥

ब्रह्मेन्द्ररुद्रवरुणा भगवाननन्त-
     शेषो धनेश शशिभास्करवह्निमुख्याः ।
तत्त्वं त्वदीयमवगन्तुमुपस्थितास्ते
     मूकाम्बिके परशिवे तव सुप्रभातम् ॥ ३॥

वाल्मीकिकश्यपपराशरगौतमादि-
     भृग्वङ्गिरा सनकनारदवामदेवाः ।
द्वार्यागताः सगुणरूपमुपासितुं ते
     मूकाम्बिके परशिवे तव सुप्रभातम् ॥ ४॥

विद्याधरप्रमथकिन्नरयक्षनाग-
     गन्धर…