अर्धनारीश्वरसहस्रनामस्तोत्रम् १ | ardhanarishvara sahasranama stotram 1

अर्धनारीश्वरसहस्रनामस्तोत्रम् 
ॐ । अखण्डमण्डलाकारश्चाखिलाण्डैकनायिका ।
अमरेन्द्रार्चितपदश्चामरारिनिषूदिनी ॥ १॥

अनादिनिधनोऽनन्तकोटिसूर्यसमप्रभा ।
अनन्तोऽनन्तभूतेशी चाजितोऽमितविक्रमा ॥ २॥

अविनाशपदस्थेमा चावाङ्मनसगोचरा ।
अनन्तकोटिकल्याणगुणोऽनन्तगुणाश्रया ॥ ३॥

अघहा चाघसंहर्त्री चावेद्योऽदितिवन्दिता ।
अपवर्गप्रदाता चैवाखिलाभीष्टदायिनी ॥ ४॥

आदिमध्यान्तरहित आदित्यायुतभासुरा ।
आगमाभ्यर्चितपद आम्नायार्थविलासिनी ॥ ५॥

आखण्डलमुखस्तुत्य आत्मानन्दविधायिनी ।
आशापालसमाराध्य आधिव्याधिविनाशिनी ॥ ६॥

आपदद्रीन्द्रदम्भोलिरापन्नार्तिप्रभञ्जना ।
आदित्यमण्डलान्तःस्थ आदिशक्तिस्वरूपिणी ॥ ७॥

आशावराम्बरधर आशान्तैश्वर्यदायिनी ।
आनन्दलहरीपूर्ण आनन्दोल्लासशालिनी ॥ ८॥

आचान्तदुरितस्तोम आधाराधेयरूपिणी ।
आध्यात्मिकाधिशमन आगोवृन्दनिवारिणी ॥ ९॥

इन्दिरापतिपूज्याङ्घ्रिरिन्द्रादिस्तुतवैभवा ।
इभचर्माम्बरधर इभकुम्भनिभस्तनी ॥ १०॥

इभवक्त्रमहासेनजनकश्चेष्टदायिनी ।
इष्टिघ्न…