उमामहेश्वरस्तोत्रम् मल्लिकार्जुनस्तोत्रम् श्रीशैलेशभ्रमराम्बास्तुतिः च (शङ्कराचार्यविरचितम्) | Uma-Maheshvara Stotra

उमामहेश्वरस्तोत्रम् 
नमः शिवाभ्यां नवयौवनाभ्याम् 
     परस्पराश्लिष्टवपुर्धराभ्याम्  ।
नगेन्द्रकन्यावृषकेतनाभ्याम् 
     नमो नमः शङ्करपार्वतीभ्याम्  ॥ १॥

नमः शिवाभ्यां सरसोत्सवाभ्याम् 
     नमस्कृताभीष्टवरप्रदाभ्याम्  ।
नारायणेनार्चितपादुकाभ्यां
     नमो नमः शङ्करपार्वतीभ्याम्  ॥ २॥

नमः शिवाभ्यां वृषवाहनाभ्याम् 
     विरिञ्चिविष्ण्विन्द्रसुपूजिताभ्याम्  ।
विभूतिपाटीरविलेपनाभ्याम् 
     नमो नमः शङ्करपार्वतीभ्याम्  ॥ ३॥

नमः शिवाभ्यां जगदीश्वराभ्याम्
     जगत्पतिभ्यां जयविग्रहाभ्याम्  ।
जम्भारिमुख्यैरभिवन्दिताभ्याम् 
     नमो नमः शङ्करपार्वतीभ्याम्  ॥ ४॥

नमः शिवाभ्यां परमौष…