गिरिजास्तुतिः देवगणैःकृता (शिवरहस्यान्तर्गता) | Girija stutih devaganaihkrita

देवगणैः कृता गिरिजास्तुतिः 
गिरिराजकुमारिके शिवे चरणं ते कमलामलं कथम् ।
न निरीक्षितमादरेण तत् निगमैरप्यवधारितं न हि ॥ १॥

अधुना चरणाम्बुजं शिवे यदि ते दृष्टिपथं प्रयास्यति ।
कथमप्यघकोटिनाशकं सकलाभीष्टदमप्यसंशयम् ॥ २॥

न विमानमणिप्रभागणैः कथमप्यादरतोऽपि सर्वथा ।
नयनैर्न निरीक्षितं ततः कथमस्माकमुमे मतिर्भवेत् ॥ ३॥

शफरीचटुलोलदृष्टिभिः कथमप्यम्ब विलोकयाशु नः ।
यदि ते करुणारसालयः सुवर्गोऽप्यपवर्गसाधनम् ॥ ४॥

अतिदीनदयालुता शिवे त्वयि वेदैरपि निश्चिता…