देविस्तुतिः मुनिभिः कृता (शिवरहस्यान्तर्गता) | devistutih munibhih krita

मुनिभिः कृता देविस्तुतिः 
नमो गौर्यै महागौर्यै भवान्यै प्रणतां वयम् ।
प्रणता सा हि गिरिजे विज्वरान् कुरु सादरम् ॥ १॥

यत्कोपाम्बुधिलेशोऽयं ज्वरः सर्वापहारकः ।
तां नताः स्म वयं सर्वे दुर्गे दुर्गातिहारिणीम् ॥ २॥

अरुणप्राणसंहारकारणे कमलानने ।
भीमे देवि नमस्तुभ्यं भयानि हर सर्वथा ॥ ३॥

वैप्रचित्तमहाघोरशरीरौधनिवर्हणे ।
श्रीरक्तदन्तिके गौरि नमस्तुभ्यं नमो नमः ॥ ४॥

महामाये महादुर्गे मधुनाशनकारिणि ।
नमस्तुभ्यं नमस्तुभ्यं भयं…