पार्वतीतपश्चर्यावर्णनम् (शिवरहस्यान्तर्गतम्) | parvatitapashcharyavarnanam

पार्वतीतपश्चर्यावर्णनम् 

(शिवरहस्यान्तर्गते ईशाख्ये)

हिमवान् उवाच ।

हितं वदामि ते पुत्रि श्रुणु मत्तस्तपः स्थिता ।
ममैव मौलिविवरे केदारार्चनतत्परा ॥ १९॥

नानामुनिजनाकीर्णे नानासिद्धविराजिते ।
नानापक्षिरुतापारमृगसङ्घनिषेविते ॥ २०॥

सरोवरैकबहुले प्रफुल्लकमलोत्पले ।
अत्र केदारनाथस्य पूजनान्मुक्तिभाङ्नरः ॥ २१॥

बहवोऽत्र समभ्यर्च्य सुराश्च मुनयः पुरा ।
लेभिरे वाञ्छितान् कामान् तपसा तोष्य शङ्करम् ॥ २२॥

सुब्रह्मण्य उवाच ।

इत्युक्तां तां समालिङ्ग्य मेनया हिमभूधरः ।
पार्वतीयैर्गणैर्युक्तो नानावर्णैर्दुरासदैः ॥ २३॥

मेनया च समैनाको…