पार्वतीस्तोत्रम् २ (बालार्कायुतसत्प्रभां करतले लोलम्बमालाकुलां) | Parvati stotram 2

श्रीपार्वतीस्तोत्रम् 
बालार्कायुतसत्प्रभां करतले लोलम्बमालाकुलां
      माला सन्दधतीं मनोहरतनुं मन्दस्मितोद्यन्मुखीम् ।
मन्दं मन्दमुपेयुषीं वरयितुं शम्भुं जगन्मोहिनीं
      वन्दे देवमुनीन्द्रवन्दितपदामिष्टार्थदां पार्वतीम् ॥ १॥

हेमाभां मतिवागतीतगुणशीलानल्पशिल्पाकृतिं
      प्रेमारोहमनोहरां करलसत्कल्याणदामाञ्चिताम् ।
श्यामामीश्वरमुद्यतां वरयितुं त्रैलोक्यसम्मोहिनीं
      कामापादनकल्पवल्लिमनिशं वन्दे परां देवताम् ॥ २॥

करधृतवरमाल्या सर्वरक्ताङ्गभूषा
      निखिलनयनचेतोहारिरूपाग्र्यवेषा वेषा ।
भवतु भवदभीष्टप्राप्तये शैलकन्या
      पुरुषयुवतिवश्याकृष्टिनित्यप्रगल्भा ॥ ३॥

हेमाद्रौ हेमपीठे नतनिखिलसुरैरीड्यमानां विराज-
      त्पुष्पेष्विष्वासपाशाङ्कुशकरकमलां रक्तवेषाभिरक्ताम् ।
दिक्षूद्यद्भिश्चतुर्भिर्मणिमयकलशैः पञ्चशक्त्यञ्चितैः …