शिवस्तुतिः पार्वतीकृता ३ (शिवरहस्यान्तर्गता शम्भो रसालवरमूलग हस्तशूल) | parvati krita shivastutih 3

पार्वतीकृता शिवस्तुतिः ३ 

(शिवरहस्यान्तर्गते सदाशिवाख्ये)
पार्वती (उवाच) -
शम्भो रसालवरमूलग हस्तशूल
व्यालाङ्गमाल जितकाल ललामसोम ।
गङ्गाविशालरयचुम्बि जटालवाल
श्रीकण्ठमूल भजतामघहारशील ॥ ४०॥

एकाम्रमूलनिरयं भुजगाधिराज-
राजत्किरीटवलयं सदयं सदैव ।
अत्यन्तमेव भजमान जनान्तरङ्गे
नृत्यन्तमाशु गिरिशं परिशीलयामि ॥ ४१॥

एकाम्रमूलनिलयं भजतामनेक-
जन्मार्जिताघविनिवारणकारणं तत् ।
तेजः श्रयामि शिवमद्य शिवेतराणां-
निर्णोदनैकनिरतं भरितं जगत्याम् ॥ ४२॥

एकाम्रमूलनिलयाय दयालयाय
संसारघोर वरुणालयतारणाय ।
तापत्रयोपशमनाय सकृन्नराणां
लोकत्रयैकविभवे करवै नमस्याम् ॥ ४३॥

एकाम्रमूलनिलयादिनवीतिहोत्र-
सोमाम्बकादखिलपूर्वसुरान्तकर्तुः ।
मन्ये नवान्यदिहदैवतमादिमध्य-
जगतोनाशङ्करात् शङ्करात् ॥ ४४॥

॥ इति…