श्यामलासहस्रनामावलिः | shyamala sahasra namavalih

श्रीश्यामलासहस्रनामावलिः 

विनियोगः ।
अस्य श्रीश्यामलापरमेश्वरीनामसाहस्रस्तोत्रमाला मन्त्रस्य,
सदाशिव ऋषिः । अनुष्टुप्छन्दः ।
श्रीराजराजेश्वरी श्यामला परमेश्वरी देवता ।
चतुर्विधपुरुषार्थसिद्ध्यर्थे नामपारायणे विनियोगः ।

ध्यानम् -
ध्यायेऽयं रत्नपीठे शुककलपठितं श‍ृण्वतीं श्यामलाङ्गीं (ध्यायेऽहं)
       न्यस्तैकाङ्घ्रिं सरोजे शशिशकलधरां वल्लकीं वादयन्तीम् ।
कह्लाराबद्धमालां नियमितविलसच्चोलिकां रक्तवस्त्रां
       मातङ्गीं शङ्‍खपात्रां मधुरमधुमदां चित्रकोद्भासिभालाम् ॥

मातङ्गीं भूषिताङ्गीं मधुमदमुदितां नीपमालाढ्यवेणीं
       सद्वीणां शोणचेलां मृगमदतिलकां इन्दुरेखाऽवतंसाम् ।
कर्णोद्यच्छङ्खपत्रां स्मितमधुरदृशा साधकस्येष्टदात्रीं
       ध्यायेद्देवीं शुकाभां शुकमखिलकलारूपमस्या…