राधानाम्नामष्टादशशती | 1800 Pavitra Name of Shri Radha

श्रीमद्राधादेव्या नाम्नामष्टादशशती 

(श्रीकृष्णयामले महातन्त्रे)
चतुर्विंशोऽध्यायः
ब्राह्मण उवाच
ततः सा त्वरया वृन्दा दासी कृष्णस्य योगिनी ।
सम्मुखस्था महादेव्या गृहीत्वा करपङ्कजम् ।
अपृच्छन्मधुरालापा तन्नाम चरितानि च ॥ १॥

वृन्दा उवाच
किं ते नाम महादेवि तन्मे कथय सुव्रते ।
मया त्वं कृत्ययाविष्टा लक्ष्यसे मन्दगामिनि ॥ २॥

श्रुतमस्ति मया किञ्चित्तदाकर्णय सुव्रते ।
परब्रह्मस्वरूपस्य कृष्णस्याऽद्भुतरूपिणः ॥ ३॥

देहाद्विनिर्गता पूर्वं राधिका सकलाधिका ।
तां दृष्ट्वा रूपिणीं देवीं स्वयं…