राधास्तोत्रम् ०५ (व्रजमोहनदासविरचितं) | Radha stotram

श्रीराधास्तोत्रम् 

व्रजमोहनदासकृतम् ।
जय जय वृषभानुनन्दनि रमणीशिरोमणि राधिके ।
जय जय मोहननागरशेखरमदनमोहनमनोहारिके ॥ १॥

जय जय वृन्दाविपिनविहारिणि श्यामसुन्दरसुखदायिके ।
जय जय ललितादिकवशवर्तिनि नन्दनन्दनहृदि शायिके ॥ २॥

जय जय गोपीजनरतिनायकालिङ्गनसुखजीविके ।
जय जय प्रेमसुधामयि सुन्दरि पीताम्बरधरसेविके ॥ ३॥

जय जय नीलाम्बरवरधारिणि व्रजपतिसुतहृतवंशिके ।
जय जय शास्त्रागमान्तरवर्तिनि सिद्धसतीकुलवंशिके ॥ ४॥

जय जय रासविनोदविमोहिनि रासेश्वरि रसवर्धिके ।
जय जय कान्त्यामृतमदखण्डनि रूपवतीमदमर्दिके ॥ ५॥

जय…