राधिकाध्यानामृतस्तोत्रम् (विश्वनाथचक्रवर्तिन् ठक्कुरविरचितम्) | Radhika dhyanamrit stotram by vishva natha chakravartin

श्रीराधिकाध्यानामृतस्तोत्रम् 
तडिच्चम्पकस्वर्णकाश्मीरभासः
     स्वकान्त्या भृशं दण्डयित्र्या विलासः ।
स्वरूपस्य तस्यास्तु वर्ण्यः
     सुबोधद्रवो नामवर्णोऽपि कर्ण्यः ॥ १॥

प्रफुल्लकुसुमप्रभाद्योतितानां
     लसच्चन्द्रिकाप्रोतमेघोपमानाम् ।
कचानां सचातुर्यबन्धेयमेणी
     दृशः सच्चमर्याग्रिमा भाति वेणी ॥ २॥

महानर्घ्यचूडामणीकामलेखा
     प्लुता राजते चारुसीमन्तरेखा ।
उडुद्योतिमुक्तैकपङ्क्तिं वहन्ती
     किमास्येन्दुसौधैकधारोच्चलन्ती ॥ ३॥

नवेन्दूपमे पत्रपाश्याप्रभाले
     सुलीलालकालीवृते चारुभाले ।
मदेनान्तरा चित्रितं चित्रकं तत्
     विभात्यच्युतातृप्तनेत्रैकसम्पत् ॥ ४॥

अतिश्यामला विज्यकन्दर्पचाप
     प्रभाजिष्णुतां भ्रूद्वयी कुञ्चिताप ।
मुखाम्भोजमाध्वीकपानादभीष्टा-
…