राधिकायाःप्रेमपूराभिधस्तोत्रम् (रघुनाथदासगोस्वामिविरचितम्) | Radhikayah premapurabhidha stotram

श्रीराधिकायाः प्रेमपूराभिधस्तोत्रम् 
मधुमधुरनिशायां ज्योतिरुद्भासितायां
     सितकुसुमसुवासाः कॢप्तकर्पूरभूषा ।
सुबलसखमुपेता दूतिकान्यस्तहस्ता
     क्षणमपि मम राधे नेत्रमानन्दय त्वम् ॥ १॥

स्मरगृहमविशन्ती वाम्यतो धाम गन्तुं
     सरणिमनुसरन्ती तेन संरुद्ध्य तूर्णम् ।
बलसवलितकाक्वा लम्भितान्तःस्मिताक्षी
     क्षणमपि मम राधे नेत्रमानन्दय त्वम् ॥ २॥

मुदिररुचिरवक्षस्युन्नते माधवस्य
     स्थिरचरवरविद्युद्वल्लिवन्मल्लितल्पे ।
ललितकनकयूथीमालिकावच्च भान्ती
     क्षणमपि मम राधे नेत्रमानन्दय त्वम् ॥ ३॥

स्मरविलसिततल्पे जल्पलीलामनल्पां
     क्रमकृतिपरिहीनां बिभ्रती तेन सार्धम् ।
मिथ इव प…