रेणुकास्तोत्रम् (श्रीधरस्वामिकृतम्) | Renuka Stotram by Shridhara Swami

रेणुकास्तोत्रं श्रीधरस्वामिकृतम् 

श्रीगणेशाय नमः ।

शिवां शान्तरूपां मनोवागतीतां 
निजानन्दपूर्णां सदाऽद्वैतरूपाम् ।
परां वेदगम्यां परब्रह्मरूपां 
भजे रेणुकां सर्वलौकैकवेद्याम्  ॥ १॥

सदाचारसद्भक्तिबोधादिभिर्या
गुरोरङ्घ्रिशुश्रूषयां मुख्यवृत्त्या ।
सुवेद्या सुलभ्या परानन्दपूर्णा 
भजे रेणुकां तां विमोहप्रशान्त्यै ॥ २॥

श्रुतिर्नेतिनेतीति सर्वं निरस्य 
वदत्येकमाद्यं विभुं चित्सुखं यत् ।
तदेवावशिष्टं स्वरूपं विशुद्धं 
भजे रेणुकां तां सदा मृत्युहीनाम् ॥ ३॥

यदानन्दसिन्धौ निमग्नो न पश्येद्-
अहो कर्मजालं फलं वा तदीयम…