शारदाभुजङ्गप्रयातस्तुतिः (शिवाभिनवनृसिंहभारतीविरचिता) | sharada bhujanga prayatastutih

श्रीशारदाभुजङ्गप्रयातस्तुतिः 
(कालटीक्षेत्रे)
स्मितोद्धूतराकानिशानायकायै
     कपोलप्रभानिर्जितादर्शकायै ।
स्वनेत्रावधूताङ्गजातध्वजायै
     सरोजोत्थसत्यै नमः शारदायै ॥ १॥

भवाम्भोधिपारं नयन्त्यै स्वभक्ता-
     न्विनायासलेशं कृपानौकयैव ।
भवाम्भोजनेत्रादिसंसेवितायै
     अजस्रं हि कुर्मो नमः शारदायै ॥ २॥

सुधाकुम्भमुद्राविराजत्करायै
     व्यथाशून्यचित्तैः सदा सेवितायै ।
क्रुधाकामलोभादिनिर्वापणायै
     विधातृप्रियायै नमः शारदायै ॥ ३॥

नतेष्टप्रदानाय भूमिं गतायै
     गतेनाच्छबर्हाभिमानं हरन्त्यै ।
स्मितेनेन्दुदर्पं च तोषं व्रजन्त्यै
     सुतेनेव नम्रैर्नमः शारदायै ॥ ४॥

नतालीयदारिद्र्यदुःखापहन्त्र्यै
     तथा भीतिभूतादिबाधाहरायै ।
फणीन्द्राभवेण्यै गिरीन्द्…