शारदाष्टकम् १ (प्रदीप्तनन्दशर्मविरचितं शैलसुता भव भाग्यविधात्री) | Sharada ashtakam

शारदाष्टकम् 
शैलसुता भव भाग्यविधात्री
शारदचन्द्रकलावरदात्री ।
सुन्दरपार्वणपालनकर्त्री
दुर्गतिनाशिनि देव-सुनेत्री ॥ १॥

           कुङ्कुमचन्दनशीतलदेहा
           संस्कृतगन्धविलोलितगेहा ।
           दानवतारणमारणमाया
           हे परमेश्वरि शङ्करजाया ॥ २॥

नीलवलाहकशाङ्करदृष्टि-
र्भास्करभासुरमोहनसृष्टिः ।
पार्थिवभोगविशारदधारा
मोक्षमहामुकुटोज्ज्वलहारा ॥ ३॥

           मृण्मयमोहिनि सुन्दरि नारी
           हे भवखण्डिनि जीवनधारी ।
           हैमधराधरराजसुपुत्री
           गौरवसौरभवैभवदात्री ॥ ४॥

मोहनसुन्दरधी-वरमूर्त्तिः
तारणमारणकारणगोप्त्री ।
विश्वविनोदननन्दितगौरी
हे महिषासुरनाशनसौरी ॥ ५॥

           सारदशारदरूपसुकान्तिः
           शान्तिसुखामृतमानसमुक्तिः ।
           पार्वणमण्डिनि दुःखविसर्गा
           हे शिवभामिनि तारिणि दुर्गा ॥ ६॥…