शारदाष्टकम् ३ (सच्चिदानन्द-उडुपवर्यैः विरचितं सकलनिगमसारे वेदवेदान्तवेद्ये) | sharadashtakam 3

श्रीशारदाष्टकम् 
सकलनिगमसारे वेदवेदान्तवेद्ये
      प्रणतजनमनोज्ञे श‍ृङ्गपूर्वासचित्ते ।
निखिलसुकविगीते शङ्करास्याब्जहंसे
      त्वमिह करुणया मां शारदे पाहि नित्यम् ॥ १॥

विधिवदननिवासे चारुचन्द्राभवक्त्रे
      सकलविबुधवन्द्ये सर्वलोकैकमान्ये ।
वचसि रुचिरशक्तेर्दानशीले ममाम्ब
      त्वमिह करुणया मां शारदे पाहि नित्यम् ॥ २॥

निजशिशुसमवायानक्षरारम्भकार्ये
      प्रतिदिनमवलोक्य स्वच्छविद्या ददासि ।
विधिहरिहरमुख्यास्त्वत्प्रसादाज्जयन्ति
      त्वमिह करुणया मां शारदे पाहि नित्यम् ॥ ३॥

कनककलशरम्ये दक्षिणाम्नायपीठे
      मणिगणयुतहारैर्भूषिता पट्टवस्त्रैः ।
गुरुवरकरपद्मेनार्चिता दिव…