शारदासहस्रनामस्तोत्रम् शारदासहस्रनामस्तवराजः (रुद्रयामलान्तर्गतः) | sharada sahasranama stotram

श्रीशारदासहस्रनामस्तोत्रम् 

श्री गणेशाय नमः ।

श्रीभैरवी उवाच
भगवन् सर्वधर्मज्ञ सर्वलोकनमस्कृत ।
सर्वागमैकतत्त्वज्ञ तत्त्वसागरपारग ॥ १॥

कृपापरोऽसि देवेश शरणागतवत्सल ।
पुरा दत्तं वरं मह्यं देवदानवसङ्गरे ॥ २॥

तमद्य भगवंस्त्वत्तो याचेऽहं परमेश्वर ।
प्रयच्छ त्वरितं शम्भो यद्यहं प्रेयसी तव ॥ ३॥

श्रीभैरव उवाच
देवदेवी पुरा सत्यं सुरासुररणाजिरे ।
वरो दत्तो मया तेऽद्य वरं याचस्व वाञ्छितम् ॥ ४॥

श्रीभैरवी उवाच
भगवन् या महादेवी शारदाऽऽख्या सरस्वती…