शारदास्तवः ४ (आपटीकरविरचिता) | sharada stavah 4

श्रीशारदास्तवः ४ 
     (पृथ्वी)
नमामि धवलांशुकां सरसिजासनां शारदां
     नमामि तिमिरापहां सकलबुद्धिदां देवताम् ।
नमाम्यमरपूजितां विविध-गीत-सन्तोषितां
     नमामि शरणार्थिनां व्यसननाशिनीं सिद्धिदाम् ॥ १॥

नमामि सरसीरुहासन-विभूषितां सुन्दरीं
     करे स्फटिकमालिकां विदधतीं प्रसन्नाननाम् ।
सदाऽध्ययनतत्परान् सततभक्तिसेवारतान्
     जनानवसि शारदे सकल सौख्यदे देवते ॥ २॥

न राज्यमपि कामये न च सूखेऽपि मे कामना
     न कीर्तिमपि काङ्क्षते मम मनो यशोदायिन…