सरस्वतीसुप्रभातम् (वासरसरस्वती) | sarasvati suprabhatam

श्रीवासरसरस्वतीसुप्रभातम् 


उत्तिष्ठोत्तिष्ठ! हे वाणि! उत्तिष्ठ! हंसिनीध्वजे ।
उत्तिष्ठ! ब्रह्मणो राज्ञि! त्रैलोक्यं मङ्गलं कुरु ॥ १॥

जागृहि त्वं महादेवि! जागृहि त्वं सरस्वति! ।
जागृहि त्वं चतुर्वेदि! लोकरक्षाविधिं कुरु! ॥ २॥  
लोकाः सर्वे शुचाम्भोधौ निमग्नास्तान् समुद्धर!  
त्वमेवैका स्वयंव्यक्ता समर्था सिकताभवा! ॥ ३॥

श्रीवाणि! सर्वजगतां जननि! प्रमोदे!  
जिह्वाग्रवासिनि मनोहरि वेधसस्त्वम् ।  
वाञ्छाप्रदायिनि! समाश्रितभक्तकोटेः
श्रीपद्मजातदयिते! तव सुप्रभातम्! ॥ ४॥…