सरस्वतीस्तोत्रम् ३ (कुन्दालिद्युतिमन्दहाससुमुखी) | sarasvati stotram 3

श्रीसरस्वतीस्तोत्रम् 
कुन्दालिद्युतिमन्दहाससुमुखी राकेन्दुबिम्बानना
      मल्लीतल्लजमालतीसुमनसां सौभाग्यपाटच्चरी ।
फुल्लेन्दीवर वृन्दष ट्पदतमःसन्दोहसन्देहकृ-
      द्वेणीका विधिसुन्दरी मम भवेदानन्दसन्दोहिनी ॥ १॥

यत्पादाम्बुजसेवयैव ससुरो लोकः समर्त्यासुरो
      वागौन्नत्यमगाहत श्रुतिवचोवीथीषु या गीयते ।
या श्वेताम्बुजमध्यवासरसिका या नम्ररक्षामणिः
      धातुः कापि कुटुम्बिनी वितरतात् सा निर्वृतिं नोऽतुलाम् ॥ २॥

कस्तूरीघनसारगन्धलहरीसंवासितोरःस्थला
      संवीता स्फुटकाशपुष्पसदृशक्षौमांशुकेनानिशम् ।
पुस्तं हस्तचतुष्टये जपवटीं शस्तां शुकीं वल्लकीं
      बिभ्राणा गृहिणी विधातुरवतान्नः सेवया तोषिता…