सरस्वतीस्तोत्रम् (अनुभूतिस्वरूपाचार्यविरचितम्) | sarasvati stotram anubhuti svarupacharya

अनुभूतिस्वरूपाचार्यकृतं सरस्वतीस्तोत्रम् 

॥ श्रीः ॥

कलमरालविहङ्गमवाहना
     सितदुकूलविभूषणभूषिता ।
प्रणतभूमिरुहामृतसारिणी
     प्रवरदेहविभा१ भरहारिणी ॥ १॥

अमृतपूर्णकमण्डलधारिणी
     त्रिदशदानवमानवसेविता ।
भगवती परमैव सरस्वती
     मम पुनातु सदा नयनाम्बुजे ॥ २॥

जनयति प्रथिताखिलवाङ्मयं१
     गणधराननमण्डपनर्तकी ।
गुरुमुखाम्बुजखेलनहंसिका
     विजयते जगति श्रुतिदेवता ॥ ३॥

अमृतदीधितिबिम्बसमाननां 
     त्रिजगतीजननिर्मितमाननाम् ।
नवरसामृतवीचि सरस्वतीं (नदी)
     प्रमुदितः प्रणमामि सरस्वतीम् ॥ ४॥

विकचकेतकपत्रविलोचने
     विहितसंस्कृतदुष्कृतमोचने ।
धवलपक्षविहङ्गमलाञ्छने
     जय सरस्वति पूरितवाञ्छने ॥ ५॥

भवदनुग्रहलेशतरङ्गिताः…