चामुण्डास्तोत्रम् ३ (रुद्रयामलान्तर्गतम् ऐं बीजं परमात्म) | Chamunda stotram 3

श्रीचामुण्डास्तोत्रम् 
(नवार्ण मन्त्र-गर्भित )
ऐं बीजं परमात्मनिःश्वसितभूवेदादिवर्णात्मकं,
     ये भक्त्या मनसा जपन्ति परमं तेषां सुवाक्ज्ञानदाम् ।
अम्बां मद्धृदयाम्बरस्थपरचिद्रूपामनन्तास्पदां,
     चामुण्डामहमानतोऽस्मि वरदां सर्वार्थसंसिद्धये ॥ १॥

ह्रीङ्काराम्बररङ्गनर्तनकरीमोङ्कारलक्ष्यां परा-
     मोङ्कारात्मकवर्णलक्ष्यविभवामाकारहीनां शिवाम् ।
साकारां वरदाभयाङ्कुशमहापाशान् करैर्बिभ्रतीं,
     चामुण्डामहमानतोऽस्मि वरदां सर्वार्थसंसिद्धये ॥ २॥

क्लीङ्काराख्यमहामणिं रतिपतिः प्राप्याङ्गहीनः परं,
     ग्रीवापादविहीनकोऽपि मदनो यस्याः प्रसादान्मुदा ।
त्रीन् लोकान् कुसुमेषुभिर्विजितवान् तां वेदसारात्मिकां
     चामुण्डामहमानतोऽस्मि वरदां सर्वार्थसंसिद्धये ॥ ३॥

चार्वङ्गीमतिसुन्दरीमभयदामम्भोजमध्यस्थितां,
     चार्वङ्गीकृतगानवाद्यरस…